Монголын хөрөнгийн бирж, Чикагогийн түүхий эдийн бирж болон Филлип Капитал группийн хамтарсан түүхий эдийн фьючерсийн зах зээлийн воркшоп сургалт

“Монголын хөрөнгийн бирж” ХК (МХБ) нь 2023 оноос уул уурхайн бүтээгдэхүүний арилжааг зохион байгуулж эхэлсэн бөгөөд Монголын уул уурхайн бүтээгдэхүүний биржийн зах зээлийг олон улсын стандарт, шилдэг туршлагад нийцүүлэн хөгжүүлэх зорилтын хүрээнд олон улсад хүлээн зөвшөөрөгдсөн мэргэжлийн байгууллагуудтай хамтын ажиллагаагаа өргөжүүлэн ажиллаж байна.

Тус ажлын хүрээнд АНУ-ын Чикагогийн түүхий эдийн бирж болон Сингапур улсад төвтэй, олон улсын санхүүгийн үйлчилгээний Phillip Capital групптэй хамтран “Спот ба форвард арилжаанаас фьючерсийн зах зээлд шилжих нь” сэдэвт хоёр өдрийн воркшопыг зохион байгуулна.