10 ДУГААР САРЫН 8-НЫ ӨДРИЙН АРИЛЖААНЫ МЭДЭЭ

2026 оны 10 дугаар сарын 8-ны өдөр энгийн арилжаагаар 52 хувьцаат компанийн 825,619,393 төгрөгийн үнийн дүн бүхий 883,806 ширхэг хувьцаа арилжаалагдсанаас 24 компанийн хувьцааны ханш өсч, 20 компанийн хувьцааны ханш буурсан бол 8 компанийн ханш тогтвортой байлаа.

Үүнээс Монноос ХК (MNS +15%), Авто импекс ХК (AOI +15%), Ариг гал ХК (EER +15%) зэрэг компаниудын хувьцааны ханш хамгийн өндөр өсөлттэй байсан бол Тэнгэрлиг медиа групп ХК (TNGR -4.76%), Женко тур бюро ХК (JTB -4.16%), Улсын их дэлгүүр ХК (UID -4.06%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 12,425 ширхэг нэгж эрх 17,062,801.36 төгрөгөөр,

• Хөрөнгөөр баталгаажсан 1 ширхэг үнэт цаас 100,100,

• Компанийн бондын хоёрдогч зах зээлийн арилжаагаар 534 ширхэг үнэт цаас 53,426,000 төгрөгөөр тус тус арилжигдсан байна.  

Уул уурхайн бүтээгдэхүүний арилжаагаар:

• "Монголросцветмет" ТӨҮГ (Эрдэнэс критикал минералс)-ын 1 багц 3,300 тонн Fe-65%-ийн Төмрийн баяжмал 292,050 ам.доллар буюу 1,050,094,980 төгрөгөөр,

• "Энержи Ресурс" ХХК-ийн 3 багц 19,200 тонн Баяжуулсан коксжих чанаргүй нүүрс 10,272,000 юань буюу 5,508,770,880 төгрөгөөр тус тус арилжаалагдсан байна.

Энэ өдөр нийт 7,455,074,154 төгрөгийн үнийн дүн бүхий арилжаа зохион байгуулав.

ТOП-20 индекс 0.32%-иар өсч, 66,712.35 нэгж болсон бол зах зээлийн үнэлгээ 16,914,052,863,316 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ