• en
IPO

Арилжааны тайлан

Индекс

44588.12

( -14.79 -0.03% )
Индекс Нэгж Өөрчлөлт
Top 20 Индекс 44588.12 -14.79
MSE A Индекс 17799.25 48.07
MSE B Индекс 12179.76 183.21

Мэдээ мэдээлэл

"БИЧИЛ ЭЙ БИ ЭС ЛОЯЛТИ ТЗК"-ИЙН БИЧИЛ 3.0 ХБҮЦ-НЫ АНХДАГЧ ЗАХ ЗЭЭЛИЙН АРИЛЖААГ 2024 ОНЫ 04 ДҮГЭЭР САРЫН 02-НЫ ӨДӨР ЭХЛҮҮЛНЭ

2024-03-28 17:46:12

24 сарын хугацаатай, жилийн 18.5 хувийн хүүтэй, нэг бүр нь 100,000 /нэг зуун мянга/ төгрөгийн нэрлэсэн үнэ бүхий 200,000 /хоёр зуун мянга/ ширхэг хөрөнгөөр баталгаажсан үнэт цаасны анхдагч зах зээлийн арилжааг 2024.04.02-ны өдрөөс 2024.04.08-ны өдрийг дуустал Монголын хөрөнгийн биржийн IPO системээр дамжуулж хүлээн авна.

3-Р САРЫН 28-НЫ ӨДРИЙН АРИЛЖААНЫ МЭДЭЭ

2024-03-28 17:31:36

Энэ өдөр нийт 46,923,381,095 төгрөгийн үнийн дүн бүхий арилжаа зохион байгууллаа.

ОЮУТАН, СУРАГЧДАД ЗОРИУЛСАН НЭЭЛТТЭЙ ӨДӨРЛӨГ БОЛЛОО

2024-03-28 14:56:53

Оюутан, сурагчдад МХБ-ийн Бизнес хөгжлийн газрын захирал Т.Хаш-Эрдэнэ Монголын хөрөнгийн зах зээлийн хөгжил, өнөөгийн байдлын талаар дэлгэрэнгүй мэдээлэл өгч, чөлөөт ярилцлагаар сонирхон асуултуудад хариулт өгсөн юм.

Мэдээ мэдээлэл

“ГАЗАР ШИМ ҮЙЛДВЭР” ХХК-ИЙН АНХДАГЧ ЗАХ ЗЭЭЛИЙН АРИЛЖААГ НЭЭХ ЦАН ЦОХИХ ЁСЛОЛ БОЛЛОО

2023-03-27 10:25:25

“Газар шим үйлдвэр” ХХК-ийн нээлттэй хүрээнд санал болгож буй хувьцааны анхдагч зах зээлийн арилжааг нээх цан цохих ёслол өнөөдөр /2022-03-27/ Монголын Хөрөнгийн Биржид зохион байгуулагдлаа.

Ёслолын ажиллагаанд ХХААХҮ-ийн сайд Х.Болорчулуун, Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр “Санхүүгийн Зохицуулах Хороо”-ны дарга Д.Баярсайхан, “Газар шим үйлдвэр” ХХК-ийн гүйцэтгэх захирал Ц.Ганбат, “Новел инвестмент ҮЦК” ХХК-ийн ТУЗ-ын дарга Д.Ангар нар оролцлоо.

Арга хэмжээг нээж Монголын Хөрөнгийн Бирж ТӨХК-ийн Бизнес хөгжлийн газрын захирал Т.Хаш-Эрдэнэ хэлсэн үгэндээ:

“Хүнсний үйлдвэрлэлийн салбарт 24 дэх жилдээ үйл ажиллагаа явуулж байгаа “Газар шим үйлдвэр” ХХК хувьцаагаа Монголын Хөрөнгийн Биржээр дамжуулан олон нийтэд санал болгож байгаад баяртай байна. Нийт хувьцааныхаа 16,54% буюу 198,113,207 ширхгийг, нэгж хувьцааны үнийг 53 төгрөгөөр олон нийтэд санал болгон, нийтдээ 10,5 тэрбум төгрөгийг татан төвлөрүүлэхээр төлөвлөж, өөрийн хөрөнгийн өгөөжийн 23%, жилийн цэвэр ашгийн 30% ба түүнээс дээш хувийг ногдол ашиг болгон тараах бодлого барьж буй танай хамт олонд амжилт хүсье. Та бүхний зорилго, үйлс төгөлдөр байх болтугай” гэв.

Мөн ХХААХҮ-ийн сайд Х.Болорчулуун: “Хүнсний үйлдвэрлэлийн салбараас 2023 онд анх удаа хувьцаа гаргаж буй “Газар шим үйлдвэр” ХХК-ийн хамт олонд баяр хүргэе. Банкуудын хадгаламжийн хүү тодорхой хэмжээгээр буурсан энэ цаг үед ард иргэд үндэсний үйлдвэрлэлээс өрхөд шилждэг, ургуулж өсгөдөг баялаг бүтээгчдийнхээ хувьцаанд хөрөнгө оруулж, үр шимийг улам олуулаа хүртэх болж буйд олзуурхаж байна” хэмээн онцолсон юм.

Үүний дараа “Газар Шим Үйлдвэр” ХХК-ийн Гүйцэтгэх захирал Ц.Ганбат хэлсэн үгэндээ: “Манай  компани 1999 онд үүсгэн байгуулагдсан, 100 хувь дотоодын хөрөнгө оруулалттай үндэсний томоохон үйлдвэрлэгч бөгөөд даршилсан хүнсний ногооны анхны үйлдвэрийг байгуулж үйл ажиллагаагаа эхлүүлж байсан бол өнөөдөр төр засгаас үндэсний хөрөнгө оруулагч, бизнес эрхлэгчдийг дэмжсэн тодорхой шийдвэрүүдийн хүрээнд энэ өдөр компанийнхаа хувьцааг олон нийтэд нээлттэй санал болгож, эргээд бидний үйл ажиллагаа өргөн хүрээнд үр өгөөжөө өгнө гэдэгт манай хамт олон итгэл төгс байна” гэв.

Үйл ажиллагааны төгсгөлд ХХААХҮ-ийн сайд Х.Болорчулуун, “Газар Шим Үйлдвэр” ХХК-ийн Гүйцэтгэх захирал Ц.Ганбат нар цан цохих ёслол үйлдэж, Монголын Хөрөнгийн Биржийн “Дурсгалын дэвтэр”-т дурсамж үзэглэлээ.

МОНГОЛЫН ХӨРӨНГИЙН БИРЖ