2024 оны 05 дугаар сарын 29-ний өдөр энгийн арилжаагаар 53 хувьцаат компанийн 302,955,591 төгрөгийн үнийн дүн бүхий 496,491 ширхэг хувьцаа арилжаалагдсанаас 18 компанийн хувьцааны ханш өсч, 25 компанийн хувьцааны ханш буурсан бол 10 компанийн ханш тогтвортой байлаа.

Үүнээс Монноос ХК (MNS +14.98%), Силикат ХК (SIL +14.97%), Монгол нэхмэл ХК (MNH +14.95%) зэрэг компаниудын хувьцааны ханш хамгийн өндөр өсөлттэй байсан бол Тэнгэрлиг медиа групп ХК (TNGR -7.40%), Би ди сек ХК (BDS -6.88%), Шарын гол ХК (SHG -4.01%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 48,177 ширхэг нэгж эрх 13,969,055 төгрөгөөр,

• Компанийн бондын хоёрдогч зах зээлийн арилжаагаар 40 ширхэг бонд 4,000,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Энержи Ресурс" ХХК-ийн 3 багц 19,200 тонн баяжуулсан коксжих нүүрс 23,616,000 юань буюу 11,016,864,000  төгрөгөөр,

• “Монголросцветмет” ТӨҮГ-ын 1 багц 3,300 тонн 52%-ийн агууламжтай төмрийн хүдэр 259,050 ам.доллар буюу 875,767,745 төгрөгөөр,

• "Дарханы төмөрлөгийн үйлдвэр" ХХК-ийн 3 багц 9,450 тонн 58%-ийн агууламжтай төмрийн баяжмал 666,225 ам.доллар буюу 2,252,300,195 төгрөгөөр,

• "Энержи Ресурс" ХХК-ийн 4 багц 25,600 тонн баяжуулсан дунд зэрэг үнстэй хагас хатуу коксжих нүүрс 12,032,000 юань буюу 5,612,928,000 төгрөгөөр,

• "Дарханы төмөрлөгийн үйлдвэр" ХХК-ийн 2 багц 6,300 тонн 58%-ийн агууламжтай төмрийн баяжмал 384,300 ам.доллар буюу 1,299,199,167 төгрөгөөр тус тус арилжигдсан байна.

Энэ өдөр нийт 21,377,983,753 төгрөгийн үнийн дүн бүхий арилжаа зохион байгуулав.

ТOП-20 индекс 0.84% хувиар буурч, 42,557.42 нэгж болсон бол зах зээлийн үнэлгээ 10,939,634,155,106 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү.

•  Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ